【1️⃣分鐘教你成為海膽專家】(中)

上次講到香港人最鐘意嘅係日本海膽,今日同大家講多啲啦!

✅日本海膽當造期
馬糞海膽係青森、岩手等地出產,當造期係3、4月;而蝦夷馬糞海膽就係日本最北嘅兩個島嶼利尻島同禮文島出產,6至8月當造;係青森出產嘅紫海膽,當造期係6至8月;而白海膽當造期最長,7至10月都當造,係利尻島同天売島出產。

✅日本海膽品牌�
日本嘅生產商會將海產賣比指定批發商,再由批發商拎去市場拍賣。日本海膽5大品牌,包括:羽立水產、東沢水產、橘水產、まるひろ跟カネ作村上商店。拍賣會前,海產批發商會幫自家日本海膽進行評級排名,番號越前嘅日本海膽,價錢越貴。

✅日本海膽直排同亂排有咩分別?
日本海膽有分A膽B膽,A膽質素比較好,多數會整齊排列,而質素一般嘅B膽排列就會比較亂。拍賣得嘅海膽都會有品質保證,因為經過專人評級。

✅日本海膽價錢
其實係日本漁市場,每日都有上萬板嘅海膽被人拍賣,最名貴嘅日本海膽會一板一板賣,貴嘅有過萬蚊一板,平嘅有幾百蚊一板,一次會賣過十板不等。唔同嘅海膽會有唔同味道同口感,未必越貴越好,係睇個人口味嘅選擇。價錢會因為季節或者收成呢啲唔同嘅原因受到影響。加上每個品牌嘅日本海膽每板重量都有唔同,價格都自然會唔同。

✅日本拍賣流程
海膽拍賣嘅價格會根據日本當地市場而定,每日都唔同。因為經過專人評級,品質較高而且穩定。 我地會通過日本採購專員去影返拍賣當日現場嘅海膽相片,然後就會將新鮮拍賣海膽上架,比大家試到最新鮮品質好嘅海膽。我地每個星期有5️⃣日飛機貨到香港,真正高質日本活海鮮產地直送,最快今日柯打明日送到,安在家中享受至鮮至甜嘅滋味。

我地NSmall主打 鮮味、快捷、方便,快啲黎揀最啱你嘅新鮮貨啦: https://bit.ly/3pkPybJ